"انت وقف عندك"
قالها ضابط المطار لأحد المسافرين
المسافر ده من الناس اللي متقدرش تحدد جنسيتها من شكلها
المسافر بصله
الضابط : " انت وين رايح وما شفت أوراقك"
المسافر : "سبق وشحنت أغراضي وخلصت كل الاجراءات"
متعرفش الراجل مكانش عاجب الظابط ليه المهم قعد يغلس ومش راضي يعديه
المسافر : " انت هتعمل مشاكل مع سفارتي ومع بلدي "
الضابط : " انت ايش جنسيتك ؟ "
المسافر : " مصري "
الضابط وقد بدأ يرتبك : " ولو انت مصري ايش جاي تسوي هنا وبلدكم على حد كلامكم فيها نهضة ومتقدمة وما فيها بطالة ؟؟ "
المصري : " It's non of your business "
(((يعني ملكش دعوة أو مش شغلك))
الضابط وشه احمر من الغيظ وقال : "ما راح أخليك تسافر "
قام المصري رافع موبايله اتصل بالسفارة اللي هو حافظ رقمها لأن مصر قبل ما بتبعت أي مواطن ليها بره بتتأكد انه عارف رقم السفارة ورقم أقرب قنصلية وموقعها
المصري : " ألو ... أنا فلان الفلاني مواطن مصري مقيم هنا وعندي مشكلة"
اللي رد : " ثانية واحدة ويكون معاك سيادة السفير "
السفير : "أيوة اتفضل يا بني ايه المشكلة "
المصري : " فيه هنا ضابط في المطار مش عايز يعديني مع ان ورقي كله مظبوط وأنا الطايرة كده هتطلع من غيري "
السفير : " قولي اسم المطار واسم الضابط اللي واقف قدامك "
المصري : " اسم المطار ......... والضابط اسمه ........."
السفير : " متقلقش 5 دقايق وتكون عالطيارة باذن الله "
...............................................................
بعد دقيقتين من انتهاء المكالمة رن التيليفون اللي قدام الظابط
الضابط : " هلا "
الطرف الآخر : " .................... "
الضابط متضايقا : " أبشر "
.............................................................
الضابط مناديا عالمصري : " يا سيدي المحترم "
المصري : "نعم"
الضابط : "أنا أعتذر عن أي سوء معاملة وتم رفع درجة تذكرتك للدرجة الأولى تعويضا عن التأخير اللي سببناه وعن أي أضرار نفسية ... تأمر بشيئ ثاني "
المصري : " لا خلاص ... شكرا "
وشال شنطته ورفع راسه مفتخرا
انه من (( مصر القوية ))
اللي مفيش بلد في العالم يمكن تتعرض لأي مصري ويتسكت لها
انه من (( مصر القوية... أم الدنيا ))
اللي حتى بتدافع عن أي عربي أو مسلم حد يتعرضله في أي دولة
.....................................................................
بعد ما قرأت ممكن تحسها رواية رومانسية
ممكن تحسها خيالية زيادة عن اللزوم
ممكن وممكن وممكن وممكن
وممكن يكون رأيك زيي انه حلم جميل وهيتحقق باذن الله
وتدعي انه يكون عاجلا غير آجل
^ــــــــ^
ومن يدرى؟! عسى أن يكون قريبا :)
ردحذفندعو الله بذلك :)
حذف