في يوم الجمعة 30 مارس 2012
الساعة الـ 3:10 بتوقيت مكة المكرمة
هسجل اعتراضات ساخرة سريعة لو مش عايز / ة تشوفها /تشوفيها متنزلش / متنزليش تحت
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
تحذير : النزول على مسؤوليتك
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
صدقني احتمال كبير تزعل
*
*
*
*
*
*
*
*
*
*
*
*
*
*
*
خلاص طالما مصمم انزل بقى هعمل ايه
*
*
*
*
*
*
*
*
*
*
*
*
*
*
*
*
*
*
*
*
*
*
*
*
الأحزاب الثورية اللي كانت بتقول مفيش خروج آمن ويسقط يسقط حكم العسكر وبعد كده راحت قعدت مع المشير عشان يحللها أزمة اللجنة التأسيسية للدستور
يا ترى ايه النظام دلوقتي ولا العسكر بقوا حلوين ؟؟!!؟؟!!
(مش بخون حد ولا بزايد على حد لكن كنت أفضل اننا نحل مشاكلنا مع بعض كمدنيين وناس في مرة اتلمت في ميدان 18 يوم وعملت ثورة)
....................................................................................................
صبحي صالح : من اتهم الجمعية التأسيسية فقد اتهم المصريون جميعا
الله عليك يا صبحي صالح لما بتتكلم فعلا تستاهل جايزة ... من خصوم الاخوان السياسيين طبعا
الكلام ده سمعته فين قبل كده
آه أحمد عز في انتخابات 2010 قال ان ده رأي الشعب واللي بيشكك في الانتخابات بيشكك في الشعب
......................................................................................................
طرح اسم الكتاتني كمرشح الاخوان للرئاسة
شكلنا هيكون اسمنا بعد كده المملكة العربية الكتنانية
ممكن كمان يمسكوه شيخ الأزهر ويمسكوه بدل شنوده كمان وأهو نكون خلصنا من الفتنة الطائفية وحتى لو حصل مشاكل يبقى اسمها فتنة كتنانية ونكون تميزنا عن باقي الدول لأن مفيش دولة عندها حاجة اسمها كده
.........................................................................................................
الكتاتني رئيس البرلمان - رئيس اللجنة التأسيسية - احتمال يترشح لرئاسة الجمهورية
بعد كده أحلام العيال الصغيرين هتكون
((( عايز أطلع زي سوبر كتاتني لما أكبر )))
سوبر الكتاتني بتاع كل حاجة
...........................................................................................................
طرح أسماء مرشحين للرئاسة من داخل الجماعة
أمال فصلتوا أبوالفتوح ليه لما اترشح ؟؟
بس عالعموم يا ريت متهدوش معاه عالأقل لغاية الانتخابات ما تخلص بدل ما الراجل يفقد مصداقيته
أما بالنسبة لمصداقيتكم فهي بالنسبة لي في الباي باي وأعتقد ان فيه ناس زيي
أنا كده كده بحترم الراجل سواء كان في الجماعة ولا بره
بس مش كل الناس بتعرف تفصل كده
............................................................................................................
بالنسبة للي بيقول الاخوان مبقاش ليهم شعبية
يا ترى انت متواصل مع الشارع والرأي العام للدرجة دي فعرفت ولا شفت كام قناة وكام جريدة وكام بوست وكام تويتة ومن خلالها حكمت
احنا في بلداننا أساسا معندناش مراكز بتعمل احصائيات وكده توفر المعلومات دي فمتحكمش لأن أغلب الشارع ولا هو مشغول بالحاجات اللي شغلانا دي أساسا ولا يعرف عنها حاجة
الشارع في وادي واحنا في وادي
............................................................................................................
اللي شايف ان التصرف الصحيح ان الاخوان لو دخلوا مواجهة مع العسكر نسيبهم انتقاما منهم ونردلهم اللي عملوه قبل كده
تصدق فعلا الحكم العسكري أرحم بكتير من حكم مدني زيه زيك مهما كان سيء
(أنا عاذرة أصحاب الرأي ده لكنه غلط من وجهة نظري)
......................................................
كده عشان محدش يقول اني متحيزة أو متآمرة
لأن أكيد أكيد كل القوى السياسية ليها حاجة فيما سبق
مع تحياتي للي هياخدها بروح مرحة وهيتقبل ان الفصيل بتاعه بشر وبيغلط عادي :))
وتحياتي برضو للي مش هيقبل الكلام :))
أنا قابلة انه مش قابل رأيي أو مش قابل أسلوبي أو مش قابل الاتنين :))
وتحياتي للي حابب يتناقش أو ينتقد أو يصحح فأنا قابلة ده كمان :))
